A devotee contributed article.
பங்குனி .உத்திரத் திருநாள் ! தெய்வத் திருமணத் திருநாள்!
ஸ்ரீ மஹா கணபதி கோவில், அரிசோனாவில் ஏப்ரில் 3 ம் தேதியன்று நடக்கவிருக்கும்
பங்குனி உத்திரத் திருவிழாவின் கலந்து கொள்ள பக்த கோடிகளே! வாரீர்!
பெருமையைக் காணீர்!!
பங்குனி மாத உத்திர நஷத்திர பௌர்ணமியில்தான் எம்பெருமான் சிவ பெருமான்.
உலக நாயகி பார்வதி தேவியை மணந்து உமா-மகேஸ்வரராய் திருமணக்கோலக்
காட்சி தந்ததும் இன்றே!
"வள்ளிக் கணவன் பேரை, வழிப்போக்கன் சொன்னாலும்
உள்ளம் உருகுதடி, கிளியே! ஊனும் உருகுதடி" என்று பாடினான் ஒரு பக்தன் !
அந்த வள்ளிக் கண்வன் தேவயானையை திருபரங்க்குன்றத்தில் இன்று மணந்த
திரு நன்னாள்தான், பங்குனி உத்திரம் !
இத் திரு விழாவில் கலந்து கொண்டு , அழகன் முருகனின் திருமணக் கோலத்தை
கண்டு களித்து,அவன் அருள் பெற பக்த கோடிகளே! குடும்பத்துடன் வாரீர் !
பால் மணக்கும், தேன் மணக்கும், காவடிகள் ஆடும் திருச்செந்தூரில்,
திருமணக் கோலத்துடன் திரு அருள் புரியும், திரு முருகன் திருவடிகளை ,இங்கும் கொண்டாடுவோம் !
மேலும் , அன்புட ன் தொடுத்த ஆண்டாளின் மாலையை ஏற்று அணிந்த ,அரங்கநாதன்
அவளையே திருமணம் புரிந்து கொண்ட திரு நன்நாளும் இன்று தான்!
பார்க் கடலில் உதித்த மகாலஷ்மி, விஷ்ணு பரந்தாமனை மணந்ததும் இன்றே !
வால்மீகி ராமாயணத்தில் தேவி சிதா பிராட்டி ஸ்ரீ ராமனை இன்று மணந்ததாக கூறுகிறது.
.
"சுவாமியே, சரணம் ஐயப்பா!" என்று பக்த கோடிகள், விரதமிருக்கும்
சபரி மாமலை அப்பன் தர்ம சாஸ்தா பிறந்த பங்குனி உத்திர திரு நன்னாளும் இன்rறே !
பாலும், தெளி தேனும் கலந்தால்ப் போல், இவ்விரண்டு சுவைகளையும்ஒருங்கே சுவைத்து அனுபவிக்க வாரீர்!
பக்த கோடிகளே! அவன் அருள் பெற குடும்பத்துடன் வாரீர் !
தொகுத்தவர் - ஹரிஹர சுப்பையா