"தை பூசம்" மஹிமை !
சக்தி மிகு ஸ்ரீ மஹா கணபதி கோவில், அரிசோனாவில் !
வேலுண்டு, வினை இல்லை !
மயில் உண்டு, பயம் இல்லை !
குகன் உண்டு, குறை இல்லை ! ஒரு பக்தன்
தாரகாசுரனை அழிக்க. பார்வதி அன்னை பராசக்தி ,
மகன் அழகன் முருகனுக்கு, "சக்தி வேல்"அளித்த
"தை பூச", தினத்து கொண்டாட்டமாம்!, கொண்டாட்டம் !
அச்சக்தி வேலையும் முருகனையும் காண
பக்த கோடிகளே ! திரண்டு வாருங்கள்!
திருத்தணியோ, திருப்பரங்குன்றமோ ஏற வேண்டாம்!
அத்திருக் கல்யாண கோலத்தை அரிசோனாவிலேயே காணலாம்!
திருச்சரவணப் பொய்கைக் காணவும் போகவேண்டாம்!
க்ஷடாக்ஷரத்தின் மகிமையை இங்கும் அறியலாம்!!
" ஓம் சரவண பவ " என்ற திருமந்திரத்தை ஒரு முறை சொன்னாலே
போதுமாம்!கோடி தீர்த்தங்களில் செய்த ஸ்நானத்தின் புண்யமாம்!
க்ஷடாக்ஷரத்துள் எல்லா மந்திரங்களும் அடக்கமாம்!
வாருங்கள் ! நம் குடும்ப நலனுக்காக ஒன்று சேர்ந்து,
" ஓம் சரவண பவ " என்று பல முறை கூறுவோம் !
குறை தீர்ந்தவர்கள், பால் குடமோ,வண்ணக் காவடியோ எடுத்தாடலாம்!
குறை உள்ளவர்களும் குறை தீர, கூடவே சேர்ந்து எடுக்கலாம்!
தீராத வினைகளை தீர்த்து வைக்கும் எம் அப்பனே ! முருகா !
ஆறு படைவீடு அரசா ! மூவுலகெங்கும் புகழும் சங்கரன் புதல்வா!
பரமேஸ்வரனுக்கு ப்ரணவத்தின் பொருளை ஓதிய ஸ்வாமிநாதா !
அவ்வை மா ஞானிக்கு சுட்ட பழத்தின் தத்துவத்ததை உணர்த்திய பாலா !
எமக்கும் ஞானத்தை அருளுவாயப்பா! முருகா!
அடைக்கலம் அடைந்தோம் அய்யனே! உன் திருவடி சரணம்!
"தை பிறந்தால் வழி பிறக்கும்" என்பர். உள்ளம் உருக, ஞான
குருவை துதித்து, ஆடிப் பாடினால் ஞானமும் பிறக்கும் !
எல்லாவித பாக்கியங்களும் கிட்டும் !
முருகா, அழகா, வெற்றிவேல் முருகா!
வேகமாய் வந்தமை காத்தருள் கந்தா!
துதிப்போம், குடும்பத்துடன் வாரீர் வாரீர்!.
சக்தி மிகு ஸ்ரீ மஹா கணபதி கோவில், அரிசோனாவில் !
தொகுத்தவர் ஹரிஹர சுப்பையா